Актерката Рејчел Вајс и се придружи на екипата на филмот The Railway Man во режија на Џонатан Теплицки.

Филмот The Railway Man, кој ќе почне да се снима следниот февруари во Австралија, Велика Британија и Тајланд е заснован на истоимените мемоари на Ерик Ломакс.

Дејството во филмот ќе зборува за мачењето и заробувањето за време на Втората светска војна, кога Ломакс, британски офицер, е пратен да работи во озлогласениот јапонски логор на Бурма, познат како „Железничка на смртта“ и борбата на Ломакс по завршувањето на војната да се помири со таа траума.

Филмскиот печат оваа приказна ја опишува како „единствена исповест за стравотиите на мачењето и изнаоѓањето на сила за понатамошен живот“.

Вајс ќе ја игра жената на Ломакс, Пати, додека него во постарите денови ќе го игра Колин Фирт. Џереми Ајрвин ќе ја толкува улогата на младиот Ломакс за време на сцените од Втората светска војна.

Филмот би требал да се најде во кино-салите во 2013 година.