Продуцентите го одбрале главниот аткер за адаптација на научно-фантастичниот бестселер на Орсон Скот Кард.

„Играта на Ендер“ е приказна за децата од Земјата во иднината, каде што се обучуваат за битка со силите од вселената така што усовршуваат стратегиска компјутерска игра. Романот од 1985 година ја воодушеви публиката и критиката, и доби неколку продолженија обединети под насловот „Сагата за Ендер“.

Малиот Ендер ќе го глуми Ејса Батерфилд (14), ѕвездата од филмот на Скорсезе „Хјуго“, чија премиера ќе се одржи следната недела.

Не е познато кој ќе ги толкува останатите улоги, а филмот ќе го режира Гевин Худ. „Играта на Ендер“ во кино салите ќе стигне во 2013 година.