До сега сите можни и неможни суштества и предмети беа инспирација за студиото Pixar, а првата хероина е Мерида.

Анимираниот филм Brave со храбрата шкотска принцеза без страв, која гласот и го позајмува Кели Мек Доналд, во кино-салите стигнува следното лето, а Disney/Pixar го објавија првиот трејлер.

Дејството во филмот е сместено во мистични шкотски планини каде непослушната принцеза Мерида им пркоси на светите обичаи на земјата кои донесуваат раздор во кралството на нејзиниот татко, кралот Фергус и нејзината мајка, кралицата Елинор.

За да ги исправи работите, принцезата заминува во потрага по екцентричната стара Мудра Жена.