Познатата холивудска актерка, Шарлиз Терон признава зошто и е помило да глуми расипани ликови.

Не се плаши да ризикува и да прифати непопуларни улоги, а со интерпретацијата на ликот Алин Вурнос во фимот „Чудовиште“, покажа дека не е само уште едно убаво лице.

Негативка Терон глуми и во својот нов филм, „Млад возрасен“, а низата ја продолжува играјќи го ликот на лошата кралица во филмот „Снежана и ловецот“. За убавата актерка, глумењето на „лоши“ улоги не е застрашувачко, туку многу привлечно и интересно.

„Лесно е да се каже дека некој е расипан затоа што поминал низ се во животот и би требало да му простиме поради тоа. Но, што ако едноставно е расипан? Тоа ми е интересно“, рече Шарлиз за Hollywood Reporter.

Луѓето се способни да направат застрашувачки работи ако околностите им го дозволат тоа. Треба да се биде доволно храбар и да се признае дека се работи за човечко сушстество. Морате да станете свесни дека, под одредени околности, сте во состојба да направите нешто за што никогаш не сте мислеле дека сте способни“, објасни убавата актерка.