Новиот Бонд наречен Skyfall по трети пат ќе го глуми Даниел Крег, а ќе го режира Сем Мендес. Во официјалното соопштување присуствувале Наоми Харис и Беренис Марло, новите Бонд девојки...

На пресконференцијата во Лондон откриен е насловот на 23-от филм за Џејмс Бонд, како и целата актерска екипа. Даниел Крег по трет пат ќе го глуми Џејмс Бонд, а Хавиер Бардем ќе биде негативецот. Во останатите улоги ќе се најдат Наоми Харис Беренис Марло како девојки на Бонд и Џуди Денч, како агентката М.

Работата на филмот не е во целост откриена. Она што знаеме е дека лојалноста на агентката М ќе дојде на искушение откако ќе се ископа нејзиното минато. По нападот на М16, агентот 007 ќе мора да ја пронајде и уништи заканата.

Снимањето на најдолгиот филмски серијал започнува наскоро, а во кината ќе се појави во октомври 2012 година, точно 50 години по првиот снимен филм за Џејмс Бонд, познат како Dr. No.