Култниот филм „Истерувач на ѓаволот“ од 1973 година во анкетата на еден сајт е прогласен за најстрашно хорор остварување на сите времиња. Дали хорор класикот за детето кое ќе биде опседнато од ѓаволот навистина е најстрашен филм?

Култниот филм „Истерувач на ѓаволот“ од 1973 година е прогласен за најстрашно хорор остварување на сите времиња.

Филмот награден со Оскар, на Вилијам Фридкин, се најде на првото место освојувајќи 15,5% од гласовите во анкетата која ја спроведе сајтот Digital Spy, по повод Ноќта на вештерките.

На второ место е осварувањето „Паранормална активност“ со 11,7% од гласовите, додека третото место го зазеде филмот „Ноќ на вештерките“ на Џон Карпентер од 1978 година.

На листата се најдоа уште „Ноќта на живите мртовци“, „Бебето на Розмари“, „Психо“, „Претскажување“, „Полтергајст“, „Вресок“, „Кошмар во Брестовата улица“, „Тексашки масакр со моторна пила“, „Проектот вештерката од Блер“ и „Прстенот“.

Поради кој „Фреди Кругер“ вие не можевте да заспиете?