Анимираниот филм „Мачорот во чизми 3D“ во првата недела од прикажувањето заработил 34 милиони долари, додека играните филмови не оствариле ни половина од толкавата заработувачка...

Гласовите на јунаците во филмот кој претендира да го сруши рекордот и на „Хари Потер“, меѓу другите ги позајмуваат холивудските актери Антонио Бандерас и Селма Хајек.

„Мачорот во чизми 3D“ зад себе го остави еден од најочекуваните хорори „Паранормална активност 3“ кој заработил „само“ 18,5 милиони долари. На трето место е трилерот „На време“ со Џастин Тимберлејк и Аманда Сајфрид во главните улоги, чија заработувачка во првата недела изнесувала 12 милиони.

На четврто место е филмот „Безгрижност“ со заработка од 5,4 милиони долари, а петото место со заработка од 5 милиони долари му припадна на филмот „Дневникот на румот“ со Џони Деп во главната улога

Очигледно приказната за Мачорот во чизми е најпривлечна за гледачите од сите возрасти.