Најновиот трејлер за филмот „Шерлок Холмс: Игра на сенки“ најавува жешка акција, многу адреналин и нови мистерии за славниот детектив...

Главните улоги во најновиот филм за познатиот детектив ги толкуваат Роберт Дауни Џуниор и Џуд Лоу, а покај нив се појавуваат и Наоми Рапас, Рејчел Мекадамс, Стивен Фрај и Кели Рајли. Режијата на најновото продолжение ја потпишува Гај Ричи.

Новиот филм го следи најпознатиот светски детектив, Шерлок Холмс и неговиот верен партнер и соработник доктор Вотсон, кои се сретнуваат со својот најлош непријател, генијалниот криминалец Моријарти (Џаред Харис).

Новата аватура на Шерлок и Вотсон се сели од улиците на Лондон во Франција, Германија и Швајцарија. Во срцето на случајот е мистериозната смрт на австрискиот принц, но многу вмешани всушност ги кријат своите вистински улоги.

Светската премиера е закажана за 16 декември.