Објавен е првиот трејлер за режисерското деби на Анџелина Џоли, филм инспириран од војната во Босна и Херцеговина...

Трејлерот е ставен на интернет, на YouTube и светските филмски сајтови, но по само неколку часа е отстранет од сите портали. Меѓутоа, „вредните“ корисници на сајтот YouTube повторно го вратија.

Филмот In The Land of Blood and Honey (Во земјата на крвта и медот) кој во кината ширум светот ќе пристигне на 23 декември подигна огромна медиумска прашина, но актерката не се откажа затоа што вели дека ова е „љубовна прикзна која треба да биде достапна и разбирлива за сите“.

Во филмот за „недозволената“ романса за време на војната во Босна играат Зана Маријанович, Бранко Џурич, Никола Џуричко, Раде Шербеџија, Горан Костич, Горан Јевтич и други.

Филмот за земјите од поранешна Југославија би требало да се појави на „домашни“ јазици, а за западните земји на англиски јазик.