Холивуд подготвува филмска биографија за фронтменот на бендот Aerosmith...

Стивен Тајлер оваа година ја објави автобиографијата „Дали ви смета вревата во мојата глава?“, а продуцентската куќа на Рон Хауард ги откупи правата за адаптација на книгата.

Една од најголемите икони на рокенролот секако имаше интересен живот. Тајлер се бореше со зависноста, беше во врска со познати убавици, доби четири деца, а сето тоа додека беше во една од најдолговечните хард рок групи, Aerosmith.

„Мислам дека Рон дефинитивно планира да сними филм, само не знам дали чека пред тоа да умрам“, се пошегува Тајлер (63).

Тој книгата ја опишува како „колекција на сите с**ња“ за кои размислувал во изминативе 40 години, а како таа колекција изгледа, ќе видиме и на големото платно.