Филмот на Џејмс Камерон е шампион во пиратската историја на Холивуд...

Според истражувањето на TorrentFreak, „Аватар“ е филмот кој најмногу пати е симнат од интернет, и тоа дури околу 21 милион пати.

Покрај тоа, авантурата од Пандора од 2009 година, заработи на благајните во кината ширум светот околу 2.8 милијарди долари.

На листата на сајтот се наоѓаат и филмовите „Мрачниот витез“ кој е симнат 19 милиони пати, „Трансформери“ - 19 милиони пати, „Зачеток“ - 18 милиони пати и „Мамурлак“ - 17 милиони пати.

На шесто место е „Ѕвездена патека“ со 16 милиони симнувања, па „Kick-Ass“ со 15 милиони, „Заминат“ и „Неверојатниот Халк“ со по 14 милиони симнувања.

Третиот дел од „Пиратите од Карибите“ е на десето место, исто така со 14 милиони симнувања.