Ѕвездата од филмот "Things fall apart", Куртис Џексон, попознат како 50 Cent, ќе игра макро во филмот "Frozen ground" за серискиот убиец од Алјаска...
50 Cent во филмот за убиецот Робер Хансен ќе му се придружи на Николас Кејџ, кој ќе игра детектив. Кејџ ќе истражува убиства на 17 жени на серискиот убиец познат како “Butcher Baker”.
Серискиот убиец ќе го игра Џон Кузак, а Ванеса Хаџенс една од жртвите која успеала да му побегне.
Роберт Хансен, сопственик на пекара во Алјаска за време на седумдесеттите и осумдесеттите години на минатиот век водел двоен живот - бил масовен убиец а бил и сопруг и татко. Во 1984 година осуден е на 461 година затвор поради 17 убиства и силување на 30 жени.
