Актерката Сигурни Вивер потврдила дека ќе игра и во продолжението од познатиот блокбастер на Џејмс Камерон "Аватар"...

Иако нејзиниот лик, докторката Грејс Огастин почина во првиот дел од научната фантастичка сензација од 2010 година, актерката открила дека Џејмс Камерон планира да ја оживее на некој начин и да ја врати во филмот.

"Не грижете се. Јас ќе се вратам. Џејмс вели дека никој не умира во научна фантастика", изјавила Вивер.

Таа најавила дека снимањето на "Аватар 2" ќе започне следната година.

Порано актерката Мишел Родригес, која исто така играла во првиот дел, рекла во интервју за агенцијата АР дека Камерон во вториот дел од филмот ја сместил под вода.

"Камерон направи преубав подводен свет, што досега не е виден во ниту еден друг филм", открила таа.