Римејкот на авантурата од осумдесетите не ги импресионирала критичарите, кои го нарекле „затупувачки здодевен“...

Во оригиналот од 1982 година главната улога ја толкуваше Арнолд Шварценегер, а сега костимот на варварскиот воин го облече Џејсон Момоа („Игра на тронови“).

„Филмот секако изгледаше убаво и технички солидно изработен, но нема ниту приказна, ниту било каков концепт на ликови. Конан мавта со мечот, крв прска на сите страни, звучните ефекти се одлично, но не можете со часови само да гледате борба и убави предели“, оденува Hollywood Reporter.

„Конан нема морален кодекс ниту било какви принципи. Ликовите се толку глупаво осмислени, што тешко е да го разликувате херојот од негативецот во овој фестивал на дивјаштво и помалку садо-мазо еротика.“

Агенцијата AP наведува дека во филмот нема ниту една сцена која е забавна.

„Никој нема да се претвори во џиновска змија во овој филм. Нема дури ни елемент на фантазија, што го правеше оригиналниот Конан забавен за гледање.“

Покрај Момоа, во филмот играат Роуз Мекгоуан („Волшебнички“), Рејчел Николс („Хоророт во Амитвил“) и други. Ниту за еден од актерите, критичарите немаа пофални зборови.