Фановите на серијалот за Џек Ричер се ужаснати од фактот дека Круз е избран да го глуми русокосиот џин...

Серијалот на Ли Чајлдс го следи акциониот херој Ричер, поранешен војник и полицаец висок 1.96 и тежок околу 115 килограми.

Русокосиот и синоокиот „џин“ за сега се појавил во 16 романи, а студиото Paramount ќе снима адаптација на романот One Shot, во кој Ричер го истражува случајот на човек обвинет за убиство на пет луѓе со снајпер.

Круз, кој е висок 170 сантиметри, темнокос и со зелени очи, не е баш очигледен избор за улогата на светиот „разбивач“. Фановите на серијалот на интернет повикуваат на бојкот на филмот, кој ќе биде снимен следната година.

Авторот Чајлдс исто така се огласи, бранејќи го изборот на Paramount.

„Не мислам дека Том е лош избор. Големината на Ричер во филмот ќе биде метафорична, а мислам дека Круз добро ќе го одглуми“, рече тој.