Актерот Џејмс Мекавој ќе ја игра главната улога во филмот кој ќе биде снимен по романот Filth (Нечистотија) на Ирвин Велш, писателот на романот Trainspotting според кој е снимен култниот филм...

Мекавој ќе го игра шкотскиот полицаец Брус Робертсон, наркоман опседнат со секс кој настојува да си обезбеди унапредување и да си ја врати сопругата со која се разделиле.

Иако порано беше објавено дека ќе биде снимена адаптацијата на романот „Порно“, продолжение на романот и филмот Trainspotting, главниот актер Иан Мекгрегор одби да игра во филмот и да ја репризира улогата на Рентон.

Ирвин Веш ќе биде продуцент и ќе го напише сценариото заедно со Џон Бердом, кој ќе го режира филмот.

Мекавој има играно во филмови како The Last King of Scottland, Redemption, X-Men: First Class, Wanted, The Chronicles of Narnia и слично.

Во филмот, покрај Мекавој ќе играат и Џејми Бел (Billy Elliot) кој ќе биде партнер на главниот јунак, додека Aлан Каминг (Spy Kids) ќе го глуми неговиот шеф.

Снимањето на филмот ќе почне во јануари следната година.