Третиот филм од серијалот "Трансформери" кој го режира Мајкл Беј го поминал прагот од милијарда долари заработувачка и со тоа стана третиот филм оваа година кој се во "запишал во клубот", објави "Холивуд репортер"...

Филмот "Transformers: Dark of the Moon" е десеттиот филм во историјата кој ја поминал заработувачката од милијарда долари, а воедно и најуспешниот во 99 години долгата историја од постоењето на филмското студио "Парамаунт".

Успехот на третиот филм "Трансформери" се должи и на фактот дека се меѓу првите кои снимаат филм во 3D техника.

Пред "Трансформери 3" заработувачка од преку милијарда долари забележиле "Пиратите од Карибите" и "Хари Потер и Реликвиите на Смртта: Втор дел".