Последното продолжение на приказната за младиот волшебник го собори рекордот во заработувачка по само еден ден прикажување, кој досега го држеше „Млада месечина“ од Самрак сагата...

Филмското студио Warner Bros соопшти дека „Хари Потер и Реликвиите на Смртта: Втор дел“ само во петок заработил 92,1 милиони долари во кината во САД и Канада, што е околу 20 милиони повеќе отколку што во првиот ден на прикажување заработи вториот филм од Самрак сагата.

Филмот за Хари Потер во петок во 57 земји ширум светот заработил 75 милиони долари, што вкупната почетна заработувачка ја подигна на неверојатни 157,5 милиони долари.

Првиот 3D филм за младиот волшебник за ваквата сума може да им се заблагодари и на поголемите цени на картите за 3D проекцијата, но и огромната желба на публиката да го види крајот на серијалот.

Интересно е што последното продолжение само за еден ден заработи повеќе од сите четири претходни во првиот викенд од прикажувањето.

За сега, рекродер во заработката е „Мрачниот витез“ со околу милијарди долари, но филмските професионалци предвидуваат дека магијата на Хари наскоро ќе го симне од тронот.