Книгата која нуди совети за тоа како најдобро да го заштитите кокошарникот доби награда за книжевно остварување со најчуден наслов.

Книгата Goblinproofing One's Chicken Coop (или преведено „Како да го заштитите кокошарникот од гоблини“) од Реџиналд Бејкли и Клинт Марш доби 38% од гласовите на посетителите на порталот The Bookseller.

Книгата која минатата година ја доби наградата Diagram за најшашав наслов How Tea Cosies Changed the World („Како грејачите за чај го променија светот“) оваа година со 31% од гласовите заврши на второто место.

На трето место е книгата на Том Хикман God's Doodle: The Life and Times of the Penis („Божји цртеж: Животот и времињата на пенисот“).

Весникот The Bookseller, кој ја доделува наградата Diagram, соопшти дека иако изгледа како сето ова да е шега и издавачите и писателите се свесни за важноста на насловот при продажбата на книга и дека не е случајно што Diagram наградата е втемелена токму на Франкфуртскиот саем на книга во 1978 година.