Сликата на славниот холандски мајстор денеска ќе биде вратена во Музејот во Нови Сад, од кој е украдена на 8 јануари 2006 година.

Сликата на Рембрант „Портрет на таткото на Рембрант“ од 1630 година, која ја пронајде полицијата по седум години откако е украдена, вчера на градоначалникот на Нови Сад, Милош Вучевич, ќе му ја врачи заменикот начелник на Полициската управа во тој град, Стеван Крстич.

По свеченото предавање, кое ќе биде извршено во Градската куќа, сликата на познатиот холандски мајстор ќе биде вратена во Музејот во градот Нови Сад, од кој е украдена на 8 јануари 2006 година.

Со акцијата на Управата на Криминалистичката полиција и новосадската криминалистичка полиција, сликата на Рембрант, со непроценлива вредност, е пронајдена во понеделник на подрачјето на Сремска Митровица.

Украдена е од Збирката странска уметност во Музејот на градот, зграда во центарот на Нови Сад, кога две маскирани и вооружени личности го врзале чуварот и освен таа, ги зеле и делото на Рубенс „Сенека“, „Пејсажот“ на Пјер Франческо Мол и „Главата на Христос“, дело на непознат холандски или германски уметник од 16 век.