Сатиричниот роман за Адолф Хитлер, кој се буди во денешен Берлин распламти нова расправа за растечкиот неонацизам во Германија, но стигна на прво место на германски бестселери со продадени 250.000 примероци.

Авторот на романот „Тој е повторно тука“ Тимур Вермес роден е во 1967 година во Нирнберг, и е поранешен новинар на кого овој му е прв роман.

Вермес го напишал сатиричниот роман за Адолф Хитлер, кој го преспијал времето од 1945 до 2011 година, а успехот на книгата се припишува на пародијата за нацистичкиот водич која до пред некоја година била незамислива.

Кога се буди во Берлин, Хитлер тргнува во прошетка по улиците, луѓето во главно го препознаваат, но се уверени дека станува збор за комичар кој ја изведува својата улога.

Хитлер повторно држи долги говори, кои предизвикуваат бранови смеа. Почнува да гостува по телевизиски програми, станува YouTube ѕвезда, омилен е меѓу младите - ова се само некои детали од книгата.

Во придружба на камерата, Хитлер го посетил седиштето на германските неонацистички странки и бил згрозен со она што го затекнал, пред се „недоволниот жар и недостатокот од политика во уверувањата на неонацистите“.

Поради тоа лидерот го опсипал со пцовки и авреди. За тоа интервју Хитлер добил угледна новинарска награда, но неонацистите го претепале и го исфрлиле, пишува во романот „Тој е повторно тука“.