Археолозите во Бугарија откриле, меѓу 600 типични гробови во дворот на црквата во градот Созопол, неколку костури кои добиле „посебен третман“.

Еден од скелетите, пронајдени во градот на крајбрежјето на Црно Море, на левата страна од градниот кош имал колец, додека другиот имал неидентификуван метален предмет на својот череп.

Археологот Димитар Недвев смета дека тие костури покажуваат дека локалните жители верувале дека имаат работа со вампири.

Скелетите се пронајдени на наоѓалиште каде што постоеле две цркви од шести до седумнаесетти век. недвев вели дека е утврдено дека скелетите се од 14 век, но дека за сега не се знае за кого станува збор.