Шпанскиот музеј Прадо мисли и на оние кои не можат често да патуваат, па колекцијата од делата на Гоје ги објавиле на интернет.

Музејот Прадо во Мадрид ја дополнил колекцијата во HD виртуелната галерија од делата на Франциско Гоје (1746-1828). На мрежата се изложени повеќе од илјада слики, цртежи, графици, писма и документи, а достапен е и пропратен материјал за настанувањето и историјата на делото.

„Овој мал музеј на Гоје им е достапен на сите, и признавам дека овој проект го третираме како опсесија“, скромно призна директорот на Прада, Мигел Сугас.

Ако не сте меѓу трите милиони луѓе кои годишно го обиколуваат Прадо, галеријата на Гоје можете да ја погледнете овде.