Триесетина актови на женски тела работени во техниката масло на платно од уметничкта Валентина Поцевска, вчеравечер беа изложени во Центарот за култура Трајко Прокопиев во Куманово.
Актовите ја одразуваат самосвесноста на жената. Нејзиното тело не го рефлектира само физичкото, туку и душевното. Затоа и ги изработив, изјави уметничката Поцевска.
Таа втор пат изложува во Куманово. Поцевска дипломирала на Факултетот за ликовна уметност во Скопје во 1987 година, а освен во Куманово, во раните 90-ти години од минатиот век изложувала и во Скопје, Прилеп и Битола.
Изложбата во Куманово ќе биде отворена до 25 септемрви, информираат од Центраот за култура Трајко Прокипев.