Англија | Тренерот на Хадерсфилд, Давид Вагнер не верува дека Јирген Клоп има големи проблеми со повредени играчи, вели дека неговиот сонародник обожава да плаче по паузата за репрезентативен настап...

Хадерсфилд во сабота го пречекува Ливерпул и гостите имаат неколку прашалници при изборот на составот за овој меч. Мохамед Салах, Садио Мане, Наби Кеита и Вирџил ван Дајк се вратија од должност со репрезентациите со повреди, а од претходно надвор од стројот е и Џејмс Милнер.

Но тренерот на домаќините, Давид Вангер смета дека „Црвените“ ќе истрчаат со најсилен состав.

„Доволно долго го познавам Јирген Клоп па знам дека обожава да ги затскрива намерите и она што навистина се случува“ – вели предводникот на Хадерсфилд, кој е добар пријател со својот колега од Ливерпул и се познаваат уште од далечната 1991.

„Очекувам најголемиот дел од фудбалерите да му бидат на располагање. Го знам многу добро, обожава да плаче по паузата за репрезентативен настап“.

Извор: 24FUDBAL.com.mk