Адис Јаховиќ, 30 годишниот македонски напаѓач од редовите на турскиот Суперлигаш Гезтепе има најдобра статистика по едно нешто.
Македонецот учествувал со 47% од вкупните (30) гола на Гезтепе во првиот дел од сезоната во тамошниот шампионат. Статистички, речиси секој втор гол на тимот од Измир е дело на нашиот фудбалер. По него следат Калид Буталиб од Малатијаспор, како и Мустафа Јатабаре од Карабукспор со по 43% учество во погодоците на своите екипи.
Јаховиќ постигна 14 погодоци на 16 натпревари и моментално заедно со Бафетимби Гомис од Галатасарај, како и Бурак Јилмаз од Трабзон се на делба на првото место на листата на стрелците во таа лига.
Извор: 24FUDBAL.com.mk
