Англија | Поранешниот менаџер на Тотенхем, Хари Реднап вели дека Деле Али вреди 100 милиони фунти и го критикува Манчестер јунајтед што не го купил Англичанецот за само 5 милиони фунти...
20 годишниот Деле Али игра уште една одлична сезона, фудбалерот од средниот ред до овој момент има постигнато 11 погодоци во Премиерлигата, односно 7 повеќе од Пол Погба.
„Мислам дека Деле Али сега вреди 100 милиони фуни” – вели Хари Реднап. „Доколку Погба вреди 90 милиони фунти, тој сигурно вреди повеќе”.
„Има само 20 години! Детево има сè – постигнува голови, креира голови, одлично игра со глава, трча, дрибла, се бори за секоја топка. Мислам дека е фантастичен”.
Али се пресели во Тотенхем пред две години за 5 милиони фунти и тоа откако импресионираше во победата на МК Донс од 4-0 над Манчестер јунајтед во Лига Купот.
„Нели играше против Манчестер јунајтед кога МК Донс ги победи? Па човек треба да се зачуди како тие не го купија за 5 милиони фунти”.
„Како не успеаа да го забележат неговиот талент? Неверојатно е тоа што никој не го примети. За само 5 милиони фунти!”
„Каков трансфер, каков играч”.
Името на Англичанецот сега се поврзува и со гигантите како Барса и Реал, а се шпекулира дека и Манчестер Сити е подготвен да плати рекордна сума.
„Очиглдно Тотенхем не сака да го продаде. Градат нов стадион, и доколку продолжат вака, за година или две ќе имаат состав за триумф во Премиерлигата”.
„Па сигурен сум дека тој ќе биде дел од сето ова”.
Извор: 24FUDBAL.com.mk
