Fortune го објави својот список на „50 најголеми светски лидери“, каде на прво место се наоѓа лидерот на Apple, извршниот директор Тим Кук, кој зад себе го оставил и папата Фрањо, кинескиот претседател Кси Џинпин и голем број други познати великани...



Првото месо на ова престижно рангирање, Fortune ја препознал неговата напорна работа што ја вложува во Apple уште кога го наследи Стив Џобс. Тој од Apple направи компанија kompaniju со највисока вредност на светот, со која оствари историски резултати. Во разговор со новинарите на Fortune, Кук рекол дека дури кога го преземал местото во Apple на Џобс, „практично го открил она што до тогаш го знаел само на теоретска база“, а тоа е колку Џобс ги штител своите вработени и компанијата, односно како лично ги примал сите негативности насочени кон компанијата, така што Кук и останатите директори можеле на мир да се посветат на развојот на производи и водење на работата.  

„Никој од нас веројатно тоа не го вреднуваше доволно“, додава Кук.

Во разговор со Fortune, Кук рекол што има намера да направи со своето богатство и дека има намера да тргне по стапките на Бил Гејтс и да донира пари. Многумина веруваат дека лицето што ја води највредната компанија на светот е милијардер, но, проценетата вредност за Тим Кук изнесува 800 милиони долари, кој како филантроп и хуманист се разликува многу од Стив Џобс. Џобс бил против било какво давање на пари, додека Кук направи посебна хуманитарна програма за донации внатре во Apple, а и самиот веќе донирал 100 милиони долари за болници во Стенфорд и една организација за превенција на болести.