Апсолутен рекорд постигна млада жена од Тунис која е бремена и во својата утроба носи 12 бебиња. Официјално беше потврдено дека млада 30-годишна наставничка од Тунис во својата утроба носи шест машки и шест женски бебиња. Жената сакала да остане анонимна и била подложена на вештачко оплодување по два спонтани абортуси во рок од две години...

Британските експерти за вештачко оплодување соопштија дека сосема е возможно да се носат 12 бебиња, иако станува збор за исклучително ризична бременост. Според еден од експертите шансите да преживее барем едно бебе е еден на сто. Сепак жената тврди дека се чувствува добро.

"Се што сакам е да имам можност да ги гушна сите бебиња и да им ја покажам сета своја љубов", вели жената.

"Ова е вистинско чудо и чувствувам дека сме благословени по една толку долга битка да имаме деца", вели сопругот Марван, кој исто така е наставник.

"На почетокот планиравме дека жена ми ќе роди близнаци, но - подоцна беа откриени многу повеќе ембриони. Среќата ни се зголемуваат со секое ново срцебиење во утробата на жена ми. Медицинската екипа рече дека жена ми ќе раѓа по природен пат", раскажува идниот татко.

Сепак британските експерти предупредуваат дека во овој случај природното раѓање е невозможно, бидејќи поради големиот број бебиња контракции може да се појават уште во 20 недела од бременоста. Се уште не е познато во кој месец од бременоста се наоѓа жената, но откако се знае дека со ултразвук може да се открие полот на детето дури во 16 недела од бременоста, се претпоставува дека таа е се поблиску до критичниот момент.

"Секако дека може да се носи во утробата 12 бебиња, но не за долго", објаснува Питер Бовен Симпикинс, научник од Кралскиот колеџ за акушери и гинеколози на Велика Британија.

"Проблемот е капацитетот на матката. Оваа жена ќе биде огромна на 20-та недела, а кога ќе се појават и породилни болки во тој случај едноставно нема да може да се направи ништо...", објаснува тој.