Судот во Франција вчера донесе одлука социјалната мрежа Twitter, која во повеќе наврати одби да ги контролира своите милиони корисници, мора да ги предава податоците кои ќе помогнат во идентификација на авторите на расистички и антисемитски пораки.

Одлуката на судот следела по жалбата на француската Унија на еврејски студенти (UEJF), која тврди дека голем број на твитови претставуваат кршење на законот со кој се забранува поттикнување на расната омраза.

Унијата барала од Twitter да ја заостри контролата на твитовите по низа антисемтиски пораки. Twitter подоцна отстрани неколку навредливи пораки.

UEJF презеде правни мерки да го присили Twitter да ги идентификува авторите на некои написи. Судот во Париз вчера соопшти дека Twitter мора да го стори тоа во рамки на „своите активности во Франција“.

Во октомври, Twitter го блокираше профилот на една неонацистичка група во Германија по барањето на владата во Берлин. Ова е прв пат оваа компанија да одговори на ваквото барање на една влада.