Една жена од Кина е прилично незадоволна од својот изглед. А во нејзиниот случај тоа е оправдано. Оваа 27-годишна девојка, изгледа како старица, а нејзиниот изглед наеднаш почнал да се менува откако во 2012 година го родила своето прво дете...

Тогаш почнала да забележува дека лицето и се менува и шест месеци подоцна таа повеќе не изгледала како своите врсници.

Лекарот Yin Guangping од универзитетот Zhengzhou објаснил дека нејзиното пореметување е многу ретко, и дека до сега во светот се познати само неколку такви случаи. Причината сеуште не е позната, а единствен "лек" кој лекарите можат да и го понудат е пластична операција.

Несреќната жена раскажала дека целосно ја изгубила својата самодоверба откако и се случило ова. Прво забележала дофрлувања на улица, кога би поминала носејќи облека соодветна на своите години, потоа некое време едноставно престанала да излегува во јавност. Размислувала и за самоубиство, но сеуште се надева дека лекарите ќе пронајдат начин да и помогнат.