Најладното место на Земјата е едно село на далечниот исток во Русија. Ојмјакон го држи рекордот за најладно место на планетата со неверојатни -71 степени Целзиусови...

Во Ојмјакон просечната температура во јануари изнесува -50 степени, а најниската температура која некогаш била забележана во тоа село била -71,2 степени. Местото се наоѓа на 750 метри надморска височина, а должината на денот варира од 3 часа во декември до 21 час во текот на летото.

Селото има околу 500 жители, кои домовите ги греат со печки на дрва и јаглен. Се хранат со риба и месо, а од една продавница која ја имаат можат да купат и некои други намирници. Овошје и зеленчук јадат само ако некој им донесе, затоа што во селото не можат да ги одгледуваат.

И покрај тоа, меѓу нив нема неухранети. Лекарите тоа го објаснуваат со фактот дека внесуваат доста полномасно кравјо млеко. Децата не одат во училиште дури кога температурата ќе падне под -52 степени.

Името "Ојмјакон" значи "вода која не замрзнува".