Актерот Чарли Шин донирал 12 000 долари на семејството на фотографот, кој загина додека го фотографираше автомобилот на Џастин Бибер...

Поранешната ѕвезда од "Два ипол мажи" го платил погребот на 29-годишниот новинар Крис Гера, бидејќи неговите блиски немале доволно средства.

"Ова е трагичен момент во кој сите треба да сме пред се луѓе и да се обидеме да ги спречиме сличните инциденти во иднина. Го изразувам своето длабоко сочувство до неговото семејство", изјави Шин пред TMZ.

Фотографот почина така што слегол на патот на еден од булеварите на Лос Анџелес и бил прегазен од друга кола. Трагедијата се случила во момент кога Ферарито на Џастин Бибер било запрено за рутинска проверка од сообраќаен полицаец, и фотографот решил да го искористи тоа и да ја сними случката.