За време на циркуската парада во ирскиот град Корк, еден слон „излегол од контрола“ и побегнал на блискиот паркинг каде што е снимен.

На видеото, кое го снимил сведок оддалечен и безбеден од прозорец на повисоките катови од зградата, се гледа животно од два и пол тони како лута избезумено по паркингот.

Набргу по слонот дошле тренери од циркусот за да го однесат „дома“. Циркусот ја организирал парадата со слоновите за да ја рекламира својата претстава.

За среќа, за жителите на Блекпул во Корк, но и за слонот, животното не направило никаква штета на паркингот.