За младиот британски принц Хари, Америка изгледа е повеќе отколку само инспиративна, затоа што не престанува да се забавува и со тоа да ги тестира нервите на татко му и баба му.

Иако во САД отиде на војна обука, принцот Хари повеќе време поминува по баровите и клубовите отколку во воената база.

Дури три ноќи по ред младиот британски принц се забавуваше по клубовите во Лас Вегас, пренесуваат американските таблоиди. Таблоидите додаваат дека им е тешко принцот два пати да го фотографираат со иста девојка затоа што тие се менеле како што се менуваат минутите.

Ваквите приказни го вознемирија британскиот кралски двор, па на Хари му е порачано веднаш да се доведе во ред и да не го срами семејното име и традиција. Меѓутоа, бидејќи обуката наскоро му завршува, Хари реши себе да си даде одмор и да продолжи да се забавува во голем стил - во Лас Вегас.