Добра вест за сите кои користат Скајп и Фејсбук - овозможени се видео повици меѓу две личности кои имаат профили на најпопуларната социјална мрежа.

Компанијата Скајп објави две нови бета верзии од својот софтвер за пренесување на глас преку интернет - VoIP (Voice over Internet Protocol) наменети за оперативните системи Mac OS X и Windows со подобро интегрирање со Фејсбук.

Скајп 5.4 бета за Mac и Скајп 5.7 бета за Windows сега ќе овозможуваат видео повици меѓу две личности кои имаат профил на Фејсбук директно од Скајп.

За користење на таа функција потребно е само двете личности да имаат профил на популарната социјална мрежа.