Швајцарските истражувачи и инженери на јапонскиот Nissan работат на развој на автомобил кој ќе може да ги „чита“ мислите на возачот, пренесува агенцијата AFP...

„Идејата е интелигенцијата на возачот и автомобилот да се спојат на начин кој ќе елиминра секаков конфликт меѓу нив и ќе доведе до побезбедно возење“, објасни водачот на истражувањето, Хосе дел Милан, професор на швајцарскиот технолошки универзитет (EPFL).

Во рамките на овој проект истражувачите користат мерење на мозочните активности и движењето на очите, и го скенираат опкружувањето околу автомобилот во содејство со сензорите на самото возило за да го предвидат следното движење на возачот.

Автомобилот тогаш се подготвува за следниот маневар со успорување доколку тоа е потребно или благо позиционирање налево или надесно.

Портпаролот на EPFL изјави дека истражувањето ќе трае четри години и дека по истечувањето на тој период прототип на овој „размислувачки“ автомобил би требало да биде спремен.