Ловците на планети откриле две супер-Земји, кои кружат во орбитата околу блиските ѕвезди, слични на сонцето...

Планетите се карпести и се многу поголеми од Земјата, но помали од Уран или Нептун. Меѓународното истражување го воделе двајца американски научници, Paul Butler од Вашингтон и Steven Vogt од универзитетот во Калифорнија. Тие проучувале повеќегодишни информации и ги забележувале во W M Keck опсерваторијата на Хаваите и во Нов Јужен Велс во Австралија.

Научниците досега забележале три вакви планети кои кружат во орбитата околу ѕвездата наречена 61 Virginis, која од Земјата е оддалечена 28 светлосни години и видлива е со голо око во соѕвездието Virgo.  Најмалата од нив е пет пати помала од Земјата и ја опкружува ѕвездата еднаш на секои четири дена. Новооткриениот систем се наоѓа во орбитата на ѕвездата HD 1461, која е 76 светлосни години подалеку од Земјата.