Откако албумот Glassheart, објавен во октомври минатата година, не помина баш најдобро на топ листите, пејачката почна да работи на нов албум.

Леона Луис, пејачка која се прослави по шоуто X Factor, е голем перфекционист и поради неуспехот на последниот албум го раскина договорот со менаџерската компанија Modest и почна да собира материјал за своето следно студиско „дете“.

„Леона моментално е меѓу најуспешните британски музичари со продадени повеќе од 20 милиони копии од алуми ширум светот. Нејзиниот нов албум ќе биде објавен кон крајот на годината“, соопшти продуцентската куќа Simco.

Lovebird е единствениот сингл од последниот албум кој успешно „заврте“ на радио страниците ширум светот.