По пет сезони, новата верзија на тинејџерската серија ќе биде укината.

Американската мрежа CW соопшти дека моменталната, петта сезона на серијата 90210 воедно ќе биде и последна.

Причината за укинување на новата верзија на популарниот „Беверли Хилс“ е слабата гледаност.

Главните улоги ги толкуваат Шенет Грајмс, Аналин Мекорд, Мајкл Стегер и други, а многу познати личности гостуваа во серијата.

Своето старо училиште го „посетија“ актерките Џени Гарт, Тори Спелинг и Шенон Доерти, ѕвезди на оригиналната серија од деведесетите.

Петтата сезона ќе заврши кон средината на мај.