Холивуд планира римејк на филмот The Thin Man, и моментално се бара партнерка за главниот јунак.
Џони Деп ќе го игра Ник Џарлс, поранешен детектив кој се здружува со својата богата и несериозна жена за заедно да решат едно мистериозно злосторство.
Снимањето почнува во април, а моментално се бара актерка за улогата на жената на Деп, Нора. Во трката се Ева Грин, Ема Стоун, Ејми Адамс, Рејчел Вајс, Кристин Виг, Емили Блант и Ајла Фишер.
Филмот ќе биде адаптација на романот на Дашијел Хемет, според кој во средината на триесетите години од минатиот век веќе е снимен филм, со Вилијам Пауел и Мирна Лој во главните улоги.
