Наградите за најлоши филмски остварувања оваа година ќе бидат доделени на Светскиот ден на шегата, први април.

Свеченоста по традиција се одржува на почетокот на сезоната на доделувања на награди, но оваа година е поместена, не поради датумот кој е „несериозен како филмовите кои што ќе бидат во конкуренција“, туку за публиката да има повеќе време да гласа.

Оснивачот на „малините“, Џон Вилсон, вели дека листата на номинирани ќе биде позната ноќта спрема доделувањето на Оскарите, 25 февруари, а по тоа почнува гласањето за „тие будалштини“.

Минатата година, Малината за најлош филм ја однесе филмот „Сексот и градот 2“, додека во категоријата за најлоша глума победија Ештон Качер за „Убијци“ и „Свети Валентин“ и Џесика Алба за „Мачета“, „Убиецот во мене“, „Малите Фокерови“ и „Свети Валентин“.