Објавен е првиот трaјлер за „Жената во црно“, хорор филм во кој Даниел Редклиф ја глуми главната улога...

Редклиф во римејкот на класикот од осумдесетите години го глуми младиот адвокат кој мора да отпатува во зафрлено англиско село за да ги преземе документите од умрениот клиент.

Кога доаѓа во селото почнува да ги открива мрачните тајни на куќата во која живеел неговиот клиент како и на селото кое е преполно со ужасни случувања.

Редклиф вели дека му било предизвик и задоволство да игра во овој „застрашувачки хорор“ кој во кината стигнува следната година.

Филмот е направен по истоимениот роман на Сузан Хил, а режисер е Џејмс Воткинс.